李思捷喺《福祿壽》惡搞陳偉霆（ William），將佢首《 Taxi》改版做《 Twinz》，入面嘅歌詞抵死啜核，寸爆 William同阿 Sa呢段姊弟戀，最抵死系好多網友睇完激贊。 「佢唔了解我」 不過當事人 William就唔多鐘意，噚日佢同江若琳、呂慧儀等一班藝人出席《歡樂滿東華》記招，講到李思捷扮佢扮到出神入化，一開始佢都表現大方，話冇唔開心，仲有興趣睇嚇個 MV：「冇問題，個節目都系娛樂性質，最緊要大家睇得開心?！鼓貍€節目系無線出品， William有苦自己知，想嬲都唔敢嬲出面喇！佢樂樂大方咁話：「唔關事，我都鐘意睇《福祿壽》?！怪v到歌詞暗指 William鐘意阿 Sa結過婚又有金，仲一齊玩腳趾， Sa姐又愛 call班狗仔隊等等， William終于忍唔住笑住反擊：「我同李思捷唔熟，我覺得佢唔系幾了解我，系咪惡意中傷都要返去睇嚇先知！」 自認跳舞勁嘅 William仲不忘揶揄李思捷：「如果佢扮我的話，我覺得佢跳舞要好好！」最后 William留言叫李思捷唔好追住佢玩，一次就夠喇！佢話：「我都唔想再回應咁多！」